Qyteti i Korçës është mbuluar mëngjesin e sotëm nga një shtresë e lehtë dëbore. Dëbora ka rënë gjatë natës.
Në zonat kodrinore të qytetit ka rënë deri në 1 cm dëborë kurse në zonat mbi 1 mijë metra deri në 5 cm. Deri tani nuk raportohen probleme me rrugët nacionale dhe rurale.
Në Dardhë trashësia maksimale e dëborës 10 cm. Në Voskopojë ka rënë 5 cm dëborë. Më pak ka pasur në Qafën e Qarrit dhe në segmentin Zëmblak-Goricë.
Sipas informacioneve nuk ka probleme në rrugë. Këtë sezon dimri “trokiti” më herët në vendin tonë pasi dëbora e parë mbuloi veriun dhe juglindjen në muajin e fundit të vjeshtës.
