Deputetja e Partisë Socialiste në Durrës, Klodiana Spahiu ka zbuluar kandidatin e të majtës për bashkinë e Durrësit në zgjedhjet lokale të 14 majit.
Spahiu tha se kandidatja e mazhorancës do të jetë kryetarja aktuale e bashkisë së Durrësit, Emiriana Sako e cila ka filluar fushatën.
Gazetarja: Kur do ta kemi kandidatin e PS për Durrësin?
“Unë e di që ne e kemi kandidatin për Durrësin. Ne e kemi filluar punën prej kohësh. Kandidati është kryetarja aktuale e Bashkisë së Durrësit, zonja Emiriana Sako. Patjetër që është e konfirmuar! E vlerësoj shumë dhe kandidaturën, pasi kryetarja gjatë gjithë kësaj periudhe ka qenë shumë aktive në takimet me qytetarët”, tha deputetja Spahiu.
