E shfaqur për një kohë të gjatë në krah të Sali Berishës pas shpalljes së tij “Non Grata” nga Departamenti Amerikan i Shtetit, Evi Kokalari ka njoftuar se nga sot është kundër tij.
Në një shënim në Facebook, Kokalari thekson se Berisha jo vetëm që nuk bëri ndryshime në PD, por e ka marrë peng PD-në për interesat e tij dhe po bën pazare.
“Sot përfundimisht Berisha më ka kundër. Jo vetëm që s’bëri ndryshime në PD, por e ka marrë partine peng për interesat e veta dhe po ben pazare. Tentativa për të përdorur Grenell pa dijeninë e tij, për ti dhënë një dorë Këlliçit dhe pazareve që do vet, kur Grenell është futur në skenë prej meje, fatkeqësisht sot më pozicionon kundër tij! Madje mendoj ka ardhur koha që Berisha të dalë nga politika, se po na çon në humnerë”, shkruan Kokalari.