Aktivistja shqiptaro-amerikane, Evi Koakalari e cila gjatë përplasjeve të brendshme në Partinë Demokratike, mes Lulzim Bashës dhe Sali Berishës, qëndroi krah këtij të fundit ka vendosur që t’i shpallë “luftë” liderit të së djathtës shqiptare dhe ish-aleatit të saj politik.
Kokalari ka shpallur publikisht kandidaturën e saj për kryetare të Partisë Demokratike. Ajo ka kërkuar që emri i saj të përfshihet si kandidate përballë Berishës në zgjedhjet për drejtimin e Partisë Demokratike që pritet të mbahen më 23 maj.
Në reagimin e saj, Kokalari paralajmëron gjithashtu se çdo manipulim i mundshëm i votës do të dokumentohet dhe do të reflektohet në institucionet amerikane, përfshirë Departamentin e Shtetit Amerikan.
“Sali Berisha, të lutem shto emrin tim për kandidaturë kundrejt teje në zgjedhjet e 23 Majit. Si kujtesë, emri im figuron në gjykatë si një nga themelueset e rithemelimit, që u bë shkas për marrjen e PD-së nga Lulzim Basha. Në fakt, duhet theksuar se jam bashkëthemeluese e Rithemelimit me ty. Çdo manipulim vote, të premtoj që do të reflektohet dhe dokumentohet në Departamentin e Shtetit Amerikan”, shkruan Kokalari.
