“Projekti më i madh ekonomik në Republikën e Shqipërisë”. Kështu e ka konsideruar zv/kryeminisrja, Belinda Balluku marrëveshjen e firmosur sot për zhvillimin e projektit “Durrës Yacht & Marina”.
“Ky është projekti më i madh ekonomik që Republika e Shqipërisë ka patur ndonjëherë, por edhe me një element me rëndësi. Për herë të parë shteti shqiptar është bashkëaksioner në një projekt i cili do të ketë një vlerë investimi rreth 2 miliard euro. Realizimi do vërtetojë se kemi bërë zgjedhjen e duhur. Duhet thënë se ky projekt i pari i këtij lloji, parashikon krijimin e një kompanie të përbashkët. Ku shteti që është aksioner në masën 33% ka të gjitha benefitet e një aksioneri në të ardhura e fitim.
Durrësi tashmë do të bëhet me dy porte, porti turistik i Marinës, dhe porti tregtar i Porto Romanos. Më 1 shkurt do të bëjmë prezantimin e detajuar inxhinierik, kemi patur mbi 40 aplikime nga kompani ndërkombëtare. Do të jetë port i lidhur me dy porte të thata në Prishtinë e Strugë. Këto projekte do e kthejnë Durrësin në pikë reference të Mesdheut” u shpreh Balluku.
