Këshilli i Ministrave ka marrë sot vendimin për hapjen e ambasadës shqiptare në Kiev të Ukrainës. Lajmi për hapjen e ambasadës shqiptare në Kiev u njoftua pak ditë më parë, kur Shqipëria dhe Ukraina festuan 30-vjetorin e marrëdhënieve diplomatike.
Më herët, Shqipëria ka pasur konsullatë në qytetin e Kharkivit, godina e së cilës ishte ndër të parat që u bombardua nga sulmet e ushtrisë ruse.
“VENDIM PËR HAPJEN E MISIONIT DIPLOMATIK TË REPUBLIKËS SË SHQIPËRISË NË KRYEQYTETIN E UKRAINËS, KIEV. Ky vendim hyn në fuqi menjëherë dhe botohet në “Fletoren zyrtare”.”, thuhet ne vendimin e qeverisë.
