Deputeti i Partisë Demokratike, Flamur Noka ka shpërthyer me akuza ndaj qeverisë shqiptare referuar qëndrimeve të kryeministrit Rama për tensionet në veri të Kosovës.
Pa fakte, Flamur Noka i cili njihet si mbështetës i flaktë i Sali Berishës, ka hedhur akuza ndaj Edi Ramës për të cilin tha se po i fut ‘thikë pas shpine Kosovës’.
“Jeni të zhytur nga koka te këmbët. Përdorni kukullat Matrioshka, ushtarët e Taulantit, që të hiqni vëmendjen nga thelbi. A mund të thuhet se Kosova është tokë e askujt? Apo është tok brez pas brezi shqiptare! Kë përfaqësoni ju këtu? Interesat e popullit shqiptar apo të tjerë? Na tregon zonja Spiropali se nuk është Kosova çështje e politikës së jashtme. A është tradhti kombëtare, thikë pas shpine kjo që po bëni me Kosovën?”, tha Noka.
