100-vjetori i Pavarësisë së Shqipërisë, u festua me një torte gjigande të vendosur tek Pallati i Kulturës, por organizimi dështoi pasi ishte koha e “Rumpallës Demokratike” e cila me imazhet e turpshme na bëri “gazin e botës”.
Adrian Millonaj, ideatori i tortës së “turpit” për 100 vjetorin e Pavarësisë, shprehu keqardhje për imazhet që u transmetuan nga mediat teksa shqiptarët u shfaqën të uritur në pamjet që bënë xhiron e botës.
“Ka qenë si sfidë. Si fillim synuam guinessin. Si përfundim bëmë një tortë 650 metra. Unë ë kam përjetuar shumë incidentin atë kohë. Më erdhi keq fillimisht, ideja e imazhit pasi ne u nisëm për të thyer një tabu dhe nëse do bëhej ashtu siç e kishim planifikuar, nuk do ishim sot me këtë imazh. Mendoj që ndoshta po të kishte shkuar sipas planit tonë, mund të ishte një pikë plus për Europën ose për të treguar kush jemi ne. Torta do prishej gjithsesi dhe nuk është lajm vetëm fakti që u shfaqen me legena apo qesë sepse këto ndodhin edhe në botë, sikurse kur ka ulje. Po unë kam shpërndarë tortë, por mediet zgjodhën të mjaftoheshin vetëm me ato pamje. Pra morën vetëm të keqen. Pritshmëria ishte që të gjithë do provonin tortën sikurse krerët e qeverisë apo dhe qytetarët”, tha realizuesi i tortës.
