Floriana Garo ka zbuluar marrëdhëniet e saj me Lulzim Bashën, gjatë periudhës kur ajo punonte si zëdhënëse e fushatës së tij.
Tashmë zëdhënëse e Sali Berishës shprehet se iu desh pak kohë për të kuptuar paaftësinë e Lulzim Bashës.
“Problemi nuk ishte partia, problemi ishte kryetari. Pas dëshirës time për t’u bërë pjesë e PD-së, kam takuar Lulzim Bashën bashkë me burrin tim dhe i thashë që jam e gatshme për të kontribuar. Unë kisha një lidhje me Sali Berishën, një njohje që nuk vjen nga politika, pra takoheshim herë pas here, sepse Berisha preferon të takojë njerëz të fusha të ndryshme. Duke pasur këtë lidhje, unë e pyeta dhe i mora mendim, i tregova se kam takuar Sali Berishën dhe ai e mbështeti këtë ide. Unë kam punuar shumë pak me Lulzim Bashën, por e kam kuptuar se sa i paaftë ishte. Më ka bërë shumë përshtypje se si nuk ishte i hapur me stafin e tij”, tha Floriana Garo për “Dritare TV”.
