Qemal Nisllaj është ushtaraku nga fshati Hormovë i Gjirokastrës që ndërroi jetë mëngjesin ë kësaj të premte në afërsi të Urës së Kardhiqit. 62-vjeçari humbi kontrollin e makinës dhe përfundoi jashtë rruge, duke vdekur në vendngjarje.
Qemal Nisllaj ishte Shefi i seksionit të rekrutimit të ushtarakëve në qarkun e Gjirokastrës. Ikja e tij e parakohshme nga jeta ka trishtuar familjen, miqtë dhe të gjithë kolegët e tij në Forcat e Armatosura.
Qemal Nisllaj kishte dhënë një kontribut të çmuar për Seksionin e Rekrutimit Gjirokastër, si në aspektin profesional ashtu edhe në atë njerëzor, pasi ishte një qytetar model i Gjirokastrës.
