Ish-zv/kryeministri, Arben Ahmetaj rezulton në kërkim ndërkombëtar për shkak se SPAK e akuzon atë për vepra penale që lidhen me ‘shpërdorimin e detyrës’ dhe ‘pastrimin e produkteve’ të veprës penale.
Prej më shumë se dy javësh, Ahmetaj rezulton se është jashtë Shqipërisë, ndërsa pas autorizimit të Kuvendit për lejimin e arrestimit të tij, janë hedhur hipoteza nga më të ndryshmet, për udhëtime të socialistit sa në Kanada, Angli e Dubai.
“Ora News” ka siguruar një fotografi të Arben Ahmetaj, në ditët e fundit para se ai të largohej nga Shqipëria. Ahmetaj është fotografuar në një nga restorantet e njohura të Tiranës me mikun dhe ish-kolegun deputet Artan Gaçi. Ky i fundit cilësohet sot si investitor strategjik, por më parë ka qenë deputet i PS dhe është bashkëshorti i ministres Olta Xhaçka.
