Me qëllim rritjen e shpejtësisë në qarkullim të autobusëve, por dhe reduktimin e gazeve të dëmshme për mjedisin, qeveria gjermane dhe Bashkimi Europian do të financojnë projektin për transportin e gjelbër në Tiranë.
Fillimisht, projekti është parashikuar të zbatohet në tre linjat më të mbingarkuara të transportit në qytetin e Tiranës (Unaza, Tirana e Re, Kombinat-Kinostudio).
Projekti përfshin zbatimin e një sistemi tranziti të shpejtë me autobus që përdorin bateri-elektrikë me synim reduktimin me 20% të kohës së udhëtimit si dhe rritjen e shpejtësisë së tyre.
81.2 milionë euro është shuma që do të ofrohet në formë granti. Marrëveshja për transportin e gjelbër u nënshkrua mes Ministrit të Financave dhe Ekonomisë, Ervin Mete, Kryebashkiakut të Tiranës, Erion Veliaj dhe Drejtoreshës së KFË gjermane në Shqipëri, Brit Horschke.
