Kandidati i koalicionit Petro Gjikuria tha se të nis procesi i numërimit të votave për Himarën, se do pranojë verdiktin e himarjotëve.
“Ju falënderoje nga zemra që patë në fytyrën time një njeri që mund të ndihmonte e të bënte diçka për këtë krahinë të Himarës. Falënderojë Partinë për të Drejtën e Njeriut, Partinë Demokratike , Partinë e Lirisë dhe gjithë partitë opozitare që më mbështetën në këtë fushatë si dhe stafin tim, pa të cilët nuk mund të arrija këtë rezultat. Dua të them se unë do të jem këtu kur të fillojë numërimi i kutive. Himarojtët folën, tani na mbetet të numërojmë këto kuti. Asnjë njeri nuk duhet ti prekë këto kuti, këto janë kutitë e votimit ku himarjotët votuan për djalin e tyre të nesërm, kush do jetë kryetari i Bashkisë, Unë do jem këtu edhe nesër do jem për të punuar për Himarjotët e të çojmë programin tonë deri në fund”,-tha Petro Gjikuria.
I pyetur nëse do e pranojë rezultatin e zgjedhjeve, Gjikuria tha: “Himarjotët nuk u tremben kërcënimeve, ata treguan veten në qendrën e votimit, himarjotët nuk e ulin kokën, sa më shumë presion u bën aq më shumë revoltohen. Është puna e KQZ-së të marrë vendime. Unë do pranoj verdiktin që kanë dhënë himarjotët”.
