Në qytetin juglindor të Korçës, të gjithë janë të interesuar në lidhje me fillimin e punimeve për stadiumin e ri. Burime pranë klubit bardhekuq bëjnë me dije se punimet pritet të fillojnë në muajin shkurt.
Gjatë këtyre ditëve pritet edhe një takim tjetër mes drejtuesve të klubit te Skenderbeut, bashkisë dhe atyre që kanë fituar tenderin për punimet e reja, për hollësi të tjera në lidhje me atë se si do të zbatohet projekti.
Në fund të muajit janar mësohet se do të rifillojë edhe superliga e vitit të ardhshëm, ndërkohë që ende nuk dihet nëse Skënderbeu do të rifillojë në aneksin e stadiumit, apo do të udhëtojë drejt qytetit të Pogradecit për t’i zhvilluar atje ndeshjet e tjera të “Abissnet Superiore”.
Të njëjta burime bëjnë me dije se në muajin shkurt duhet parë edhe e ftohta që mund të jetë pezente në qytetin juglindor, por punimet e para do të jenë rreth prishjes së shkallëve dhe fushës, prandaj nuk ka nevojë që të jenë të varur nga kushtet klimaterike.
Tashmë çdo gjë është e qartë dhe në këtë mënyrë, duhet pritur shkurti për fillimin e punimeve të reja për stadiumin e ri të qytetit juglindor.
