Ministria e Arsimit dhe Drejtoria e Përgjithshme e Transportit Rrugor kanë firmosur marrëveshjen për futjen e sigurisë rrugore si kurrikul në arsimin parauniversitar.
Këto dy institucione do të punojnë së bashku për hartimin dhe zbatimin e unifikuar të kurrikulës së re të edukimit për sigurinë rrugore. Blendi Gonxhja, drejtor i DPSHTRR është shprehur se ka persona që nuk kanë mbaruar 8 vjeçaren dhe nuk dihet se si e marrin patentën.
“Ne kemi një defeçit që vjen nga vite përpara, kemi analfabetizëm, kemi probleme me marrjen e 8 vjeçares së shkollës së mesme më përpara. Nuk është çështja se si e merr patentën, këtu është çështja se si e merr 8 vjeçaren në shumë raste. Kjo ndërhyrje që në gjenezë do të krijoj një brumë krejt tjetër. Kjo do të jetë dhe një anti-korrupsion”- tha ai.
