Guvernatori Gent Sejko ka prezantuar ditën e sotme dhe një monedhë të re me rastin e këtij viti jubilar për Bankën e Shqipërisë.
Bëhet fjalë për një monedhë me vlerë 100 lekë, e cila sipas guvernatorit Sejko, nuk do të hidhet në treg por është përgatitur vetëm për këtë event.
“Është monedhë numizmatike pa kurs ligjor, ku ka një djalë fshatar dhe Asdreni. Në krahun tjetër është shenja e 100-vjetorit”, tha Sejko.
Banka e Shqipërisë ka të drejtën të emetojë kartëmonedha, monedha dhe medaljone për qëllime numizmatike. Ato përkujtojnë ngjarje dhe personalitete të rëndësishme.
