Ilir Meta ka njoftuar nga qelia këtë të martë se ka firmosur udhrin për analizimin e rezultatit të zgjedhjeve të 11 Majit.
Në formë “hakmarrje” për ata që nuk e votuan, Ilir Meta bën me dije se për çdo Njësi dhe Qendër Votimi në Qarkun Tiranë do të verifikohet puna dhe roli i gjithsecilit në Partinë e Lirisë.
“Të dashur anëtarë dhe simpatizantë të Partisë së Lirisë, Firmosa sot urdhrin për analizimin e rezultatit të zgjedhjeve të 11 Majit për çdo Njësi dhe Qendër Votimi në Qarkun Tiranë për të verifikuar punën dhe rolin e gjithsecilit. Edhe njëherë faleminderit me mirënjohje të gjithë atyre të cilët i rezistuan presioneve të jashtëzakonshme të Narkoshtetit dhe nuk e shitën as lirinë, as shpirtin dhe as karakterin e tyre përballë një makinerie kriminale shtetërore, që cënoi rëndë standardet e zgjedhjeve, demokracinë dhe shtetin e së drejtës, duke vijuar me vendosmëri, qëndresë e kurajë t’i prijnë betejës tonë të përbashkët në mbrojtje të kauzave madhore”, njofton Meta.
