Në Komisionin e Ekonomisë ka pasur debate mes mazhorancës dhe opozitës për projektligjin që lejon hapjen e baseve sportive”online”.
Deputeti demokrat Dashamir Shehi e quajti procedurën një legalizim të bixhozit.
Ai i theksoi Eduard Shalsit se qeveria po justifikohet me miratimin e këtij projektligji për të marrë para për të investuar në sport. Shehi nënvizoi se shteti u tregua i pazotë për të ndaluar aktivitetin e jashtëligjshëm.
“Ky është ves që duhet legalizuar, jemi të pazotë që ta ndalojmë dhe po e legalizojmë. Kompanitë e bëjnë për të fituar, shteti do marrë ca para për sport. Po rregullojmë një punë bixhozi, por shteti duhet të marrë sa më shumë para dhe le t’i përdorë për sportin e kulturën“, u shpreh Shehi.
