Gazetari Blendi Fevziu ka folur për hetimet e SPAK ndaj Sali Berishës.
I ftuar në emisionin “Të Paekspozuarit”, Fevziu i ka dalë në mbrojtje Berishës për të cilin tha se “nuk mund të jetë përgjegjës për vendime kolegjiale të qeverisë së tij”.
Sipas Fevziut, me një standard të tillë të SPAK-ut, çdo kryeministër apo kryetar bashkie në Shqipëri, mund të përfundojë në burg.
“Aq sa unë e kam parë çështjen, unë mendoj që kryeministri përgjegjësi për vendimet kolegjiale dhe vendimet e marra gjatë qeverisjes, nuk më rezulton se duhet të mbajë përgjegjësi. Nëse Berisha merret i pandehur për këtë çështje, çdo kryeministër, çdo kryetar bashkie mund të shkojë në burg për çdo lloj çështje. SPAK mund të hetojë por unë nuk shoh ndonjë përgjegjësi. Ndërsa për dhëndrin, nuk di detaje. Kjo jep një kosto politike, e mban opozitën aty. Përflitej që mund të kishte diçka të tillë edhe për balancat, sepse ka patur goditje nga mazhoranca”, tha Fevziu.
