Kombëtarja ka filluar përgatitjet për ‘EURO 2024’, finalet e një Europiani ku kuqezinjtë marrin pjesë për herë të dytë brenda 8 vitesh.
Armand Duka ditën e sotme zbuloi vendimin e FSHF-së se është arritur marrëveshja e rinovimit të kontratës me Sylvinhon e cila do të finalizohet pas Europianit.
“Parimisht kemi rënë dakord për të rinovuar kontraten me të njëjtin staf. Sigurisht jemi të përqendruar 100% në kampionatin europian. Kemi diskutuar me Sylvinhon edhe për organizimin e ndeshjeve të Nation League, sepse jo vetëm mund të kalojnë në Grupin A në Nations League, por mund të sigurojmë edhe një vend për play off për Botëror, pra Europianin e konsiderojmë një objektv të Arritur dhe me Sylvinhon kemi vënë piketat dhe nuk do të jemi pa trajner pas Europianit. Ende s’kemi hedhur gjë në letër por Sylvinho do të vazhdojë deri në përfundimit të ndeshjeve kualifikuese për Botërorin 2026 dhe në rast kualifikimi deri në fund të Botërorit 2026”, tha Duka.
