Aleati i PD-së, Ilir Meta i ka dalë në mbrojtje të Belind Këlliçit, kandidatit të opozitës për Bashkinë e Tiranës, i cili së fundmi është përballur me akuza për shkak të lidhjes familjare me Socialistin, Artan Shkreli.
Gjithçka filloi me një padi që Këlliçi ka depozituar për prishjen e pallateve tek rruga ‘Myslym Keta’, për të cilën akuzohet se nuk ka përfshirë emrin e vjehrrit të tij, i cili në cilësinë e kryetarit të institutit të ndërtimeve ka firmosur për t’i nxjerrë këto godina të pabanueshme pas tërmetit të 2019-ës.
“Ftoj qytetarët e Kuçovës të kontribuojnë në ndryshimin, ftoj demokratët të mbështesin Maliqin siç mbështesim ne Këlliçin në Tiranë që është aq i shkëlqyer sa të PS e i thonë e ke vjehrrin socialist. Ç’faj ka njëri se kë ka vjehërr e kë dhëndër”, tha Meta.
