Ilir Meta thotë se rreth 80% e popullsisë në vendin tonë jeton në kushtet e varfërisë ekstreme.
Në prag të zgjedhjeve me qëllim për të “fituar” ndonjë votë “qyl”, kreu i Partise se Lirise ka filluar të shqetësohet për popullin e varfër i cili më keq ka qenë në kohën kur Ilir Meta ishte Kryeministër, Kryetar Kuvendi por edhe President i Republikës.
“Rreth 80 për qind e popullsisë në vendin tonë jeton në kushtet e varfërisë ekstreme deri në kufirin e varfërisë. Kjo është “fytyra” sociale e “Rilindjes” dhe kupolës së saj të papërgjegjshme. Përjashtimi social dhe intimidimi në shkallë të gjerë janë rrugët që “Rilindja” ka zgjedhur për të sunduar në mënyrë antidemokratike dhe çnjerëzore. E gjithë rritja ekonomike e vendit përfitohet nga një pakicë e lidhur me Qeverinë dhe nga vetë ajo”, shkruan Meta.
