Ish-deputeti Halit Valteri ka deklaruar se shumë politikanë së shpejti do të japin llogari për vjedhjet që kanë kryer nga pasuria e shqiptarëve.
I ftuar në “Zona Zero”, Valteri tregoi se së shpejti edhe kreu i Partise se Lirise, Ilir Meta do të japë llogari për 1.2 milionë dollarë që janë derdhur në llogari në SHBA, pasi sipas tij, ky politikan nuk ka ndonjë gjel “që i pjellë flori”.
“Di që kanë ardhur letër-porosi nga SHBA për lobimet dhe një nga dosjet që do të ketë zgjidhje para shtatorit do të jetë dërgimi para drejtëisë i personave që kanë harxhuar para të shqiptarëve. Janë 1.2 milionë dollarë, që janë deklaruar në SHBA që janë paguar nga ky subjekt politikë, janë paguar taksa për ato 1.2 milionë dollarë. Të japin llogari, të japin përgjigje se ku i kanë marrë, se ndoshta Ilir Metës i pjell gjeli vezë, po nëse i pjell flori le të tregojë”, tha Halit Valteri.
