Për episodin final të podkastit të saj për këtë sezon, Hillary Clinton zgjodhi bashkëshortin e saj, Bill Clinton, presidentin e 42-të të Shteteve të Bashkuara.
Një bisedë e gjerë, ku u kujtua shumëçka dhe nuk kishte si të mungonte as Shqipëria. Ish-presidenti amerikan theksoi me bindje se Shqipëria është një pamje se si bota mund të lëvizë nga e mbyllura në të hapur dhe se si bota mund të kalojë nga lufta në paqe.
Clinton thekson se, kabineti i Qeverisë Rama është rreth 40% femra dhe se Shqipëria ka një nga qeveritë më të reja, më të fuqishme dhe më të balancuara gjinore në Evropë.
“Kështu që uroj që e gjithë bota të shkojë në Shqipëri për një ose dy ditë. Dua të them, është një vend kaq i bukur dhe ata e dinë se si është të humbasësh gjithë lirinë e tyre. Ata nuk po i bëjnë këto debate që po bëjmë ne në Amerikë. Gjithçka që ata donin të flisnin ishte e ardhmja”, tha Clinton.
