Profesori i kriminalistikës, Ervin Karamuço ka komentuar ngjarjet e fundit, ku deputetët e Partisë Demokratike u përplasën me policinë.
Ai theksoi se punonjësi i policisë në këtë rast nuk kishte armë, duke shpjeguar se “këndi i bërrylit që çon dorën aty ku e ka çuar, e çon mbi jelekun taktik, poshtë sqetullës dhe aty disa prej forcave të ndërhyrjes së shpejtë, mbajnë bombula neuroparalizuese.”
“E kam parë me rezolucion të lartë, mesi i dorës ka një send të rrumbullakët që është fillimi i bombulës së gazit. Nuk ka pasur armë. Edhe këllëfi që e kanë bosh është pjesë e brezit kolektiv. Por që i kanë bosh, sidomos FNSH, e ka me rregullore dhe ligj. Nuk iu lejohet që të mbajnë armë” tha Karamuço.
