Policia e Shtetit ka reaguar pas pretendimit të deputetit të PD-së, Luan Baçi se një efektiv i FNSH-së i nxori armën gjatë përplasjes mes tyre.
Uniformat blu kanë deklaruar se asnjë punonjës i policisë nuk ka pasur armë gjatë tubmit, por vetëm mjete mbrojtëse dhe me shkopinj gome.
“Bazuar në ligjin “Për tubimet”, asnje punonjes policie nuk ka qene i pajisur me armë zjarri gjate tubimit, po vetëm me mjete mbrojtëse dhe me shkopinj gome. Përgënjeshtrojmë lajmin që punonjës të Policisë, në tubim, iu kanë nxjerrë tubuesve, armët e zjarrit. Policia e Shtetit do të kryejë të gjitha veprimet hetimore dhe shtetasit përgjegjës për veprimet e dhunshme ndaj punonjësve të Policisë, do të kallëzohen në Prokurori”, njofton Policia e Shtetit.
Mediat pranë PD-së hodhën “baltë” ndaj FNSH-së, por realiteti është krejtësisht i kundërt pasi efektivi në një moment tentoi të nxirrte sptai djegës për të netralizuar deputetët demokrate të egërsuar.
