Vendi ynë për javën ardhshme do të ndikohet nga një javë “normale” dimri.
Sipas Shërbimit Meteorologjik Ushtarak, për ditën e hënë moti parashikohet me vranësira mesatare deri të dendura si dhe intervale afatshkurtra me diell kryesisht përgjatë zonave të ulëta. Në relievet malore në lartësitë mbi 700-800 metër reshje dëbore me intensitet të ulët lokalisht mesatar.
Po ashtu, edhe për ditën e Martë moti parashikohet me vranësira mesatare deri të dendura si dhe intervale afatshkurtra me diell.
Reshje shiu të herëpashershme me intensitet të ulët dhe lokalisht deri mesatar në pjesën më të madhe të territorit. Në relievet malore në lartësitë mbi 700-800 metër, reshje dëbore me intensitet të ulët lokalisht mesatar.
Duke filluar nga dita e Mërkurë, moti kryesisht me kthjellime alternime vranësirash kalimtare të cilat në zonën e veriut dhe qendër do të shoqërohen me reshje shiu me intensitet të ulët.
Të premten qyteti më i ftohtë i Shqipërisë do të jetë Bajram Curri ku temperaturat do të zbresin deri në -7 Gradë Celcius.
