Kanë vijuar sërish replikat mes Lulzim Bashës dhe Edi Ramës. Në një video të publikuar në rrjetet sociale, Lulzim Basha iu është drejtuar me një frazë nga filmi “Prefekti”, ku shprehet “je pak pusht ti Fotaq”.
Ish-kryedemokrati komentoi thirrjet e Ramës ndaj demokratëve që t’i bashkohen PS-së në zgjedhje.
Basha shtoi se Rama i la socialistët 3 herë me gisht në gojë, ndërsa tani do që të merret me demokratët.
“O Rame, e mba mend atë filmin “je pak pusht ti Fotaq”. Si ju the atyre që takove sot në Vlorë? Hajt se herën e parë të duket pak e vështirë. Me një herë s’bohesh domethon, po me dy herë, po me tre herë mo Rame? Siç ua bone socialistëve tre herë, edhe i le me gisht n’gojë. Tani do meresh me demokratët. E mo Ram, mo Ram, ku i ke shokët Rame? 7×7 = 313”, shprehet Basha.
