Organizata Botërore e Turizmit e rendit Shqipërinë në vendin e 3-ë pas Katarit dhe Arabisë Saudite për rritjen e volumit të turizmit për 6-mujorin e parë të këtij viti.
Shqipëria me 59% rritje ëshë e para në Europë, duke lënë pas vendet e shquara ndër vite, si Turqinë që ka një rritje vetëm me 7% , Greqinë që rezulton me 9% Serbinë me 19%. Edhe ishujt Maldive kane regjistruar një rritje vetëm 9% për numrin e turistëve nga muaji Janar në muajin Qershor të këtij viti në raport me të njëjtën periudhë të vitit 2019.
Ndërkaq Shqipëria është renditur e para me një rritje +80% për numrin e pasagjerëve që kanë fluturuar në aeroportin e Rinasit ne datat 9 – 15 Gusht. Për këtë statistikë e ka një koment edhe kryeministri Edi Rama.
“Ja edhe Shqipëria turistike e para në Europë për rritjen e fluksit të fluturimeve, e pa hapur ende Aeroportin e ri Ndërkombëtar të Vlorës. Kthesa e madhe ka kohë që ka nisur, po ky është viti fantastik i shfaqjes së saj në sytë e të gjithëve, si fakt i pamohueshëm i përpjekes së gjithanshme të gjithë këtyre viteve, duke u nisur nga vrima e fundit e kavallit”, shkruan Rama.
