Çdo vajzë mbi 13 vjeç duhet t’i nënshtrohen vaksinimit kundër HPV-së, një vaksinë që parandalon kancerin e qafës së mitrës dhe ofrohet FALAS në qendrat shëndetësore.
Kështu bën me dije ministrja e Shëndetësisë, Albana Koçiu e cila deklaroi se gjatë këtij viti janë aplikuar mbi 9,344 doza vaksinash për vajzat 13-20 vjeçe, ndërsa mbulesa vaksinale për vajzat 13-vjeçare ka arritur një nivel të lartë prej 75.6%.
“Ndaj sot, së bashku me doktoreshë Besën ishim në Qendrën Shëndetësore nr. 9 ku Niki bëri vaksinën kundër HPV, si një hap i rëndësishëm për shëndetin. Vaksina është falas dhe jetike për parandalimin e kësaj sëmundjeje të rrezikshme”, shkruan ministrja.
