Ervin Demo rikonfirmohet si kandidat i Partisë Socialiste për Bashkinë e Beratit. Lajmin e jep ministri dhe njëkohësisht drejtuesi politik i PS në Berat, Bledi Çuçi, i cili nuk kursen fjalët e mira për kandidatin socialist qe ka transformuar qytetin e Beratit.
“Në asamblenë e Partisë Socialiste konfirmuam Ervin Demon si kandidatin tonë për zgjedhjet e 14 majit. Besimi për një mandat të dytë në bashkinë e Beratit pasi është rezultat i punëve të mira që ka bërë në këto 4 vite dhe garanci për vazhdimin e projekteve e investimeve që shndërrojnë këtë bashki në një qendër të rëndësishme të turizmit në vendin tonë. Përgëzime Ervinit dhe socialistëve dhe qytetarëve të Beratit”, shkruan Çuçi.
Edhe vetë kryebashkiaku Ervin Demo ka reaguar për këtë vendim të bazës socialiste, duke i falenderuar për besimin.
