Eksperti Kujtim Hoxha ka shpjeguar mundësine reale që të rritem pensionet në Shqipëri.
Sipas Hoxhës, ka mundësi për një rritje të pensioneve, madje më shumë se 200 mijë lekë të vjetra (rreth 250 mijë lekë të vjetra), nëse qeveria angazhohet për të luftuar informalitetin dhe për të zvogëluar humbjet nga vjedhjet.
Hoxha gjithashtu theksoi se të ardhurat kombëtare kanë arritur në 25 miliardë që i jep mundësi qeverisë për të realizuar këtë rritje të merituar për pensionistët.
“Kryeministri tha se pensioni minimal 200 euro do jetë kaq në vitin 2030. Deklarata nuk i përgjigjet realitetit të sotëm, pasi pensionistët duan pension 200 euro sot. Mundësitë reale janë që pensionet të rriten. Të ardhurat kombëtare kanë arritur në 25 miliardë e ka thënë vetë kryeministri dhe me pak kujdes, pensionet mund të rriten, madje edhe më shumë se 200 mijë lekë të vjetra, 250 mijë të vjetra. Qeveria të luftojë informalitetin dhe vjedhjet”, tha eksperti Hoxha.
