Ka nisur punimet për të ndërtuar hekurudhën e parë moderne në Shqipëri e cila pritet të transformojë transportin në vendin tonë. Punimet po kryhen në trasenë ekzistuese, ndërsa parashikimet janë që ajo do të jetë gati në pranverën e vitit 2024.
“Deri më tani ne i qëndrojmë projekti që hekurusha të përfundojë në mars 2024. Paralelrisht jemi duke punuar edhe për elektrifikimin e gjithë zonës pasi trenat që do të përdoren do të jenë elektrikë dhe bashkohorë. Është planifikuar që shpejtësia e trenave do të jetë 120 km/h“, u shpreh Gentian Liko adminsitratorë i hekurudhës shqiptare.
Realizimi i këtij investimi do të shkurtojë në 22 minuta distancën Tiranë-Durrës, ndërsa do të ketë edhe një degëzimin me aeroportin e Rinasit. Fillimisht është menduar për 8 stacione, ndërsa projekti do të rishikohet pasi po planifikohet edhe për një stacion shtesë që do të ndërtohet në Bulevardin e Ri.
