Kreu i Grupit Parlamentar të Partisë Socialiste, Taulant Balla në një deklaratë për media tha se do të ketë një kallëzim të ri sa i përket dosjes së 21 janarit.
Gjatë fjalës së tij, Balla tha se e vetmja dosje e pahetuar është ajo e Aleks Nikës dhe se dosja duket të kalojë menjëherë në SPAK.
“Më 22 prill 2011 janë paraqitur nga PS pranë prokurorisë së Tiranës ku kam dërguar prova të tjera për vrasjen protestuesve. E vetmja dosje pa hetuar është e Aleks Nikës. Besojmë se drejtësia do të bëjë punën e vet. Tashmë kanë dalë provat në dritë. Kjo dosje duhet të kishte shkuar me kohë në SPAK. Ne e konsiderojmë si test këtë për SPAK. Dosja nuk duhet të mbahet më peng”, tha Balla.
