Deputetja socialiste Klotilda Bushka, kryetare e Komisionit të Ligjeve, e cilësoi si kaotike situatën në grupin parlamentar të PD-së, ndërsa shtoi se mosmarrëveshjet që kanë duhet ti zgjidhin vetë demokratët brenda partisë së tyre.
Bushka tha se Kuvendi nuk mund të zgjidhë këtë situatë, duke shtuar se palët mund ti drejtohen edhe Gjykatës.
“Për çështjet e brendshme të PD-së janë tërësisht të brendshme. Proceduralisht Kuvendi punon me rregulloren e vetë. Situata me deputetët e PD-së është pak sfiduese, e paprecedentë dhe kaotike. Si rregull duhet ta zgjidhnin vetë pasi kanë rregulloren e grupit. Nuk mund të presin të hyjmë ne dhe të zgjidhim çështjet e tyre. Gjithë kaosi ndikon në punën në Kuvend. Parlamenti s’ka ndonjë kompetencë për zgjidhjen e konfliktin. Kryetarja e Kuvendit tha se mund të kërkojë opinionin, por sërish mbeten opinione dhe jo vendime”, tha Bushka.
