Një nga çiftet më të diskutuara momentalisht në showbizin shqiptar janë Luiz Ejlli dhe Kiara Tito që prej marrëdhënies së tyre të krijuar në shtëpinë e “Big Brother VIP”.
Teksa Luizi tashmë ndodhet në Shtetet e Bashkuara të Amerikës për turin e koncerteve të tij dhe Kiara ka nisur xhirimet për moderimin e emisionit “Kepi i VIP-ave”, menjëherë kanë nisur aludimet për një ndarje të mundshme mes tyre. Mirëpo, ka qenë vetë Luizi ai i cili i ka hedhur poshtë të gjitha fjalët; në një video ‘live’ për ndjekësit në Instagramin e tij, fituesi i “BBVIP” ritheksoi edhe një herë dashurinë e tij për Kiarën.
“Asnjëri prej jush nuk e do Kiarën aq shumë sa e dua unë. Ajo është me xhirime në emisionin e saj në Turqi dhe unë po vazhdoj koncertet këtu në Amerikë.”, tha Luizi.