Duke marrë shkas nga aksidentet e larta, zv. Ministri i Brendshëm, Besfort Lamallari pohoi se kodi i ri rrugor parashikon masa të rrepta, si për shembull, 3 vite burg për parakalim të gabuar.
Ai theksoi se këto masa po merren nga juristë të njohur, të cilët kanë eksperiencë disavjeçare në fushën e drejtësisë.
“Disa persona të thjeshtë janë mospërfillës, flagrantë të ligjit, duke rrezikuar kështu jo vetëm jetën e tyre dhe të personit që kanë në mjet, por dhe të personave të tjerë kalimtarë, por dhe vozitës mjetesh. Sigurisht, që kjo duhet të ndryshojë ligji. Nuk është vetëm çështje gjobe, por dhe heqja e patentës dhe ndëshkimi penal, që do të thotë përgjegjësia penale duke privuar personin dhe nga liria.
Sepse diskutimi që po bëhet nga grupi i punës, që drejtohet nga juristët më të mirë që ka ky vend për ndryshimet e kodit penal. Kështu parashikimi që është dhënë aty përfshihet nga gjobë deri në 3 vite, duke marrë parasysh edhe elementët cilësues që janë shkelja flagrance që rrezikon dukshëm jetën e qytetarëve”, u shpreh Lamallari.
