Sipërmarrësi i njohur Gjergj Luca ka hapur një tjetër “Rozafa”, këtë radhë në Maliq.
Mbrëmjen e djeshme “Fish City Maliq” ka hapur dyert me një darkë në shenjë respekti për ish-punonjësit e kombinatit të sheqerit ndër vite, të cilët sot janë pensionistë. Biznesmeni dhe sipërmarrësi Gjergj Luca ka prezantuar një investim spektakolar që pritet t’i japë rritme të larta ndryshimi qytezës së Maliqit.
Ish-Kombinati i sheqerit në Maliq, tashmë është shembulli kur mbi rrënoja ngritet zhvillimi. Disa gërmadha janë kthyer në një qytezë moderne, me ambiente spektakolare, ku jo vetëm mund të hash mirë dhe shëndetshëm, por edhe mund të argëtohesh në një hapësirë fantastike, ku bashkangjitet dhe arti.
