Saimir Korreshi njihet për batutat e tij epike. Së fundmi deputeti demokrat ka propozuar si “zgjidhje” largimin e Bashës, Berishës dhe Alibeaj nga selia blu pasi vetëm në këtë mënyrë do t’i jepet fund konfliktit brenda Partisë Demokratike.
Ai thotë se nëse vijohet me përplasjen mes palëve, partia do të shpërbëhet plotësisht dhe me nota humori pohon se pastaj deputetët do të shesin shalqinj në Lushnje.
“Sali Berisha, Lulzim Basha dhe Enkelejd Alibeaj të rrinë ca kohë pushim se nuk është e thënë të jesh gjithnjë kryetar. Po të ikin këta të tre bashkohet PD-ja. Ca të bëjmë ne? Të ikim si budallenj pas tyre? Kjo parti nëse vazhdon kështu, do të vijë edhe partia të shesë shalqinj. E vetmja zgjidhje: të hapet një proces zgjedhor brenda PD, gjithëpërfshirës. Ne kemi kërkuar në grup parlamentar të negociohet me palën tjetër”, tha Korreshi.