Kryetari i AKR-së, Behgjet Pacolli, ka postuar një foto, ku shihet krah kryeministrit Edi Rama dhe kreut të Grupit Parlamentar, Taulant Balla.
Pas mbledhjes së dy Kuvendeve të Shqipërisë dhe Kosovës, politikanët kanë ngrënë dhe një drekë të përbashkët. Pacolli shkruan se bashkë dy shtetet janë më të fortë.
“Sot, pas mbledhjes së përbashkët të dy kuvendeve, bashkë me kryeministrat Rama dhe Kurti dhe kryeparlamentarët e dy vendeve tona. Kombi Shqiptar duhe të tregohet i matur. Ruajtja e aleancave strategjike është garanci e sigurisē tonë. Festat e nentorit na kujtojnë sakrificën e popullit tonë për liri, andaj sot secili e ka për obligim që të punoj fort në realizimin e ëndrrës së heronjëve. Së bashku jemi më të matur, më të dijshëm dhe më të fortë. Urime Festa” shkruan Pacolli.
