Teksa komentoi vendimin e GJKKO e cila i hoqi masën ‘arrest shtëpie’, Kreshnik Spahiu tha se për 10 vitet e ardhshme nuk ka Gjykatë që do të guxojë të dënojë Sali Berishën.
“Unë s’ja uroj burgun një ish-kryeministri sepse e dëmton imazhin e vendit. Sot nuk është vendosur fajësia apo pafajësia, është një proces gjyqësor që do të marr kohë.
Unë deri më sot kam një bindje që për 10 vite nuk ka gjykatë dhe gjyqtar që të çojë në burg Ramën dhe Berishën. Unë e kam thënë këtë me vite që në Shqipëri ka dy persona të paprekshëm dhe ka 2 milionë të prekshëm.
Unë e konsiderojë vendimin e gjykatës të drejtë për masën e sigurimit sepse edhe masa fillestare ka qenë kërkesë për detyrim paraqitje dhe duhej kaluar në komisionin e mandateve, sepse atij iu mor pasaporta“, tha Spahiu në Report TV.
