Për mbi 5 orë deputetja e Partisë së Lirisë Monika Kryemadhi ka dhënë sqarime në SPAK në lidhje me hetimin pasuror që ka hapur prej muajsh Prokuroria e Posaçme.
“Iu përgjigja të gjitha pyetjeve dhe në bazë të të dhënave të mia dhe ato që ka mbledhur SPAK ballafaquam gjërat që kanë të bëjnë për akuzat që kanë ngritur. Besoj që e ezauruam aspektin e pyetjeve dhe të përgjigjeve, e firmosa me vetëdije të plotë duke marrë përgjegjësitë e mia si qytetare, deputete, bashkëshorte, nënë. Padia që është dorëzuar në SPAK nga dy ushtarët e bindur të Veliajt, është paditur nëna ime, vëllai dhe fëmijët e mi“, tha Kryemadhi.
Sa i takon shpenzime marramendëse për operacionet plastike, Kryemadhi tha se s’ka asnjë ndërhyrje estetike, por pranoi se ka bërë vetëm ‘botoks’.
“Kam bërë botoks si të gjithë gratë e burrat. Nuk kam bërë ndërhyrje estetike“, tha Kryemadhi.
