Monika Kryemadhi është paraqitur ditën e sotme në SPAK për masën “detyrim paraqitje”.
Pas daljes nga ambientet e Prokurorisë së Posaçme, Kryemadhi është ndalur për një deklaratë për gazetarët, të cilët e pyetën në lidhje me ish-bashkëshortin e saj, Ilir Meta.
“Meta informohet për gjërat që i intereson grupit të tij të afërt sepse ai është në izolim. Nuk më intereson më fare të jem e sinqertë, se çfarë mendon zoti Meta e çfarë thotë e bën zoti Meta. Jam shumë e qetë në ndërgjegjen time për gjërat që kam bërë, bëj dhe do të bëj. Nëse kam bërë diçka që për juve është gabim e për mua nuk është, hajde ta diskutojmë”, u shpreh Kryemadhi.
