Kryeministri Edi Rama deklaroi se Turqia është një faktor kyç për sigurinë në Europë.
Rama u shfaq kritik me Bashkimin Europian të cilët i quajti të paaftë për të bashkëpunuar me Turqinë dhe presidentin Erdogan.
“Paaftësia e Europës për të punuar me ata që janë ndryshe dhe janë të vendosur “ndryshe” nga modeli standard i shteteve të saj anëtare, ka penguar në fakt një model gjithëpërfshirës të sigurisë europiane. Në mënyrë që të angazhohet me Turqinë në mënyrë më kuptimplotë BE duhet të shkojë përtej të menduarit për partneret dhe fqinjët përmes prizmit të zgjerimit sepse si rezultat, ajo që kemi parë është që BE-ja ka mbetur me një sens të kufizuar të pavarësisë së saj strategjike e cila sillet rreth modeleve normative të rregullave, normave dhe qeverisjes”, tha Rama.
