Kryeministri Edi Rama ka vendosur që vetëm 16 bashki do të kenë emra të rinj të kandidatëve socialistë. Në listën e kandidatëve për kryebashkiak, socialistët kanë edhe dy deputetë të cilët do të duhet të lënë mandatet për të garuar më 14 Maji. Bëhet fjalë për Benet Becin në Shkodër dhe Besjan Ajazin në Gramsh.
Pa dyshim që befasia më e madhe mban emrin e kryebashkiakut aktual të Maliqit, Gëzim Topçiu i cili do të garojë për një mandate të 7-të. Topçiu ka qenë zgjedhur për herë të parë në vitin 2000.
Një tjetër emër që pason Topçiun drejt rekordeve është Adriatik Zotkaj i Poliçanit. Zotkaj drejton Bashkinë e Poliçanit prej vitit 2004 dhe kërkon tashmë të marrë një mandate të gjashtë. Jo pak mandate në krye të Tepelenës ka Tërmet Peçi, i cili për herë të parë u zgjodh kryebashkiak në 2011.
