Duke qenë se ndodhemi pranë nisjes së fushatës elektorale, në shumë media kombëtare ka nisur publikimi i sondazheve mbi rezultatin e mundshëm.
Pavarësisht pretendimeve të palëve mbi këto sondazhe, ne iu drejtuam “Inteligjencës Artificiale” për të bërë një analizë, parashikim mbi atë që mund të jetë rezultati i zgjedhjeve të 11 majit në Shqipëri.
Se si do të jetë rezultati i zgjedhjeve dhe sa deputetë do të marrë secila parti “pyetëm” aplikacionin “Grok”, asistenti inteligjent (AI Chatbox) i krijuar nga kompania e miliarderit Elon Musk.
Sa i takon ndarjes së mandateve “Inteligjenca Artificiale” e parashikon Partinë Socialiste mes 65-75 vende në Parlamentin e 2025.
Partia Demokratike sipas Inteligjencës Artificiale mund të sigurojë 50–60 vende nëse bashkohen dhe mobilizohen në mënyrë efektive. Megjithatë thekson se ndarjet e brendshme mund ta kufizojnë atë në rreth 50 vende në Parlament.
Parti e Lirisë mund të fitojë 3–5 vende, Partia Social Demokrate ka të ngjarë të marrë 2–4 vende. Ndërsa Lëvizjet e reja si, Lëvizja Bashke, Nisma Thurje: Mund të fitojnë kolektivisht 2–5 mandate./ Rilindje.info
