Disa prej krerëve të Bashkimit Europian kanë nisur të mbërrijnë në Tiranë, në orët e vona të kësaj të hëne, ndërsa nesër do të mbahet samiti BE-Ballkani Perëndimor.
Presidentja e Komisionit Europian Ursula von der Leyen, kryeministri hungarez, Viktor Orban dhe Komisioneri i Bashkimit Evropian për Zgjerimin dhe Fqinjësinë, Oliver Varhelyi kanë mbërritur mbrëmjen e sotme në aeroportin e Rinasit. Ata janë pritur nga ministrja e Shtetit për Parlamentin, Elisa Spiropali.
“Në pritjen e Kryeministrit të Hungarisë, Viktor Orbán, dhe Komisionerit të Bashkimit Europian për Zgjerimin dhe Fqinjësinë e Mirë, Olivér Várhelyi, që mbërritën në Shqipëri për Samitin historik BE-Ballkani Perëndimor”, shkruan Spiropali.
