Kryeministri Edi Rama ka publikuar pamjet e projektit më të ri të kampusit arsimor në Fushë Kuqe të Kurbinit.
Kreu i qeverisë bën me dije se është gati për të nisur punimet për dy shkollat ku përveç godinave moderne do të ketë edhe terrene sportive në funksion të gjithë zonës.
“MIRËMËNGJES dhe me projektin e kampusit të ri arsimor në Fushë Kuqe të Kurbinit, gati për të nisur punimet për gjimnazin “At’ Shtjefën Kurti” dhe shkollën 9-vjeçare “Nik Tomë Prela”, ku përveç godinave moderne do të ketë edhe terrene sportive në funksion të gjithë zonës që po përjeton një Rilindje tërësore pas tërmetit, ju uroj një javë të mbarë”, shkruan Rama.
