Deputeti i PD, Flamur Noka procedohet penalisht në gjendje të lirë për kanosje ndaj votuesve ditën e zgjedhjeve.
Specialistët për Hetimin e Krimit Ekonomik dhe Financiar në Drejtorinë Vendore të Policisë Tiranë kanë referuar në Prokurori materialet që çuan në nisjen e procedimit penal në gjendje të lirë ndaj Flamir Nokës, Sekretar i Përgjithshëm i Partisë Demokratike.
Flamur Noka akuzohet për veprën penale “Kanosja apo dhunimi ndaj pjesëmarrësve në zgjedhje”, pas kallëzimeve të shtetasve Xh. A., 29 vjeç dhe M. D., 33 vjeç, të cilët pretendojnë se janë penguar dhe kanosur nga Noka për të ushtruar të drejtën e votës në zonën e Vorës.
Materialet e çështjes do t’i kalojnë SPAK-ut për hetime të mëtejshme.
