Ish-zv/kryeministri Arben Ahmetaj nga arratia ankimon në Gjykatën Kushtetuese kontrollin e banesës së bashkëjetueses.
Së fundmi Ahmetaj bëhet i “gjallë” dhe kërkon shfuqizimin e vendimit të Gjykatës së Lartë dhe dërgimin e çështjes për rigjykim në Apel.
Sipas ankimit te Ahmetajt, kontrollet ne banese janë në papajtueshmëri me ligjin dhe antikushtetuese, pasi nuk ka patur autorizim nga Kuvendi, sepse në njërën nga banesat jetonte edhe vetë Ahmetaj që gëzonte mandatin e deputetit.
Arben Ahmetaj është shpallur në kërkim ndërkombëtar, pasi akuzohet për “mosdeklarim, deklarim të rremë dhe fshehje të pasurisë”, vetëm dhe në bashkëpunim, “Korrupsion pasiv të funksionarëve të lartë shtetërorë ose të zgjedhurve vendorë” në gjashtë raste, “Pastrimit të produkteve të veprës penale ose veprimtarisë kriminale”.
